newsnextone.com | ডিজিটেল ডেস্কঃ বিশ্বৰ আটাইতকৈ প্ৰভাৱশালী লোকৰ তালিকাত সন্নিবিষ্ট হৈছে ভাৰতৰ প্ৰধানমন্ত্ৰী নৰেন্দ্ৰ মোডীৰ নাম৷ জনপ্ৰিয় ‘ফ’ৰ্বছ’ আলোচনীয়ে প্ৰস্তুত কৰা বিশ্বৰ ৭৫ গৰাকী আটাইতকৈ প্ৰভাৱশালী ব্যক্তিৰ এখন তালিকাত নৱম স্থান অধিকাৰ কৰে নৰেন্দ্ৰ মোডীয়ে৷ আনহাতে তালিকাখনৰ প্ৰথম স্থান দখল কৰে চীন ৰাষ্ট্ৰপতি চি জিনপিংগ৷ তেওঁ ৰুছ ৰাষ্ট্ৰপতি ব্লাডিমিৰ পুটিনক আঁতৰাই পুনৰ বিশ্বৰ প্রভাৱশালী লোকৰ মাজত শীৰ্ষত উপবিষ্ট হয়৷
চীন ৰাষ্ট্ৰপতি জিনপিংগ বিগত চাৰি বছৰ একেধাৰে প্ৰভাৱশালী ব্যক্তিৰ তালিকাখনৰ শীৰ্ষস্থানত অধিষ্ঠিত হৈ আহিছে৷ তাৰ বিপৰীতে দ্বিতীয় স্থান লাভ কৰি আহিছে ৰুছ ৰাষ্ট্ৰপতি পুটিনে৷ আনহাতে তালিকাখনৰ তৃতীয় স্থানত আমেৰিকান ৰাষ্ট্ৰপতি ডোনাল্ড ট্ৰাম্প, চতুৰ্থ স্থানত এঞ্জেলা মৰ্কেল আৰু পঞ্চম স্থানত এমেজন কম্পেনীৰ স্বত্বাধিকাৰী জেফ বেজোশ অধিষ্ঠিত হৈ আছে৷
