কলিয়াবৰঃ নগাঁও জিলাৰ জখলাবন্ধা আৰক্ষীৰ অভিযানত ধৰা পৰিল ৬জনকৈ চোৰাং চিকাৰী৷ জখলাবন্ধা থানাৰ ভাৰপ্ৰাপ্ত আৰক্ষী বিষয়া দেবেন বৰাৰ নেতৃত্বত চলা অভিযানত জখলাবন্ধা টাউনতে আটক কৰিবলৈ সক্ষম হয় চোৰাং চিকাৰীকেইটাক৷

ধৃত চোৰাং চিকাৰীকেইটা হৈছে তেজপুৰৰ ইব্ৰাহিম আলি, আলি আব্দুল হক, আইনুল আলি, ৰূপহীৰ আব্দুল ছাত্তাৰ, কুঠৰীৰ আখতাৰ আলী আৰু বান্দৰডুবিৰ ৰেকট আলী।

চোৰাং চিকাৰী কেইজনৰ পৰা এটা থ্ৰী নট থ্ৰী ৰাইফল, ১৮ জাঁই গুলী, দুটা ৰাইফলৰ গুলী আৰক্ষীয়ে উদ্ধাৰ কৰিছে।

চোৰাং চিকাৰীয়ে ব্যৱহাৰ কৰা AS-12-M-6052, AS02-R-1772, AS02-H-9122 নম্বৰৰ তিনিখন চাৰিচকীয়া বাহনো জব্দ কৰে জখলাবন্ধা আৰক্ষীয়ে। কাজিৰঙাত গঁড় হত্যাৰ উদ্দেশ্যে চোৰাং চিকাৰীৰ দলটিয়ে নিশা উক্ত স্থানলৈ আহিছিল বুলি আৰক্ষীয়ে জানিবলৈ দিছে।