ছুলতান ছালেহ আহমেদ, বৰপেটাঃ বৰপেটা জিলাৰ খৰমাৰ নিকটৱৰ্তী পহুমাৰা উচ্চতৰ মাধ্যমিক বিদ্যালয়ত শনিবাৰে সদ্যঘোষিত উচ্চ মাধ্যমিক আৰু উচ্চতৰ মাধ্যমিক শিক্ষান্ত পৰীক্ষাত সফলতাৰে উত্তীৰ্ণ ছাত্ৰ-ছাত্ৰীক উৎসাহ-উদ্দীপনা আগবঢ়োৱাৰ বাবে আমছুৰ পহুমাৰা আঞ্চলিক সমিতিৰ উদ্যোগত এখনি সম্বৰ্ধনা সভাৰ আয়োজন কৰা হয়।
পহুমাৰা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ আবুল হুছেইনৰ পৌৰহিত্যত অনুষ্ঠিত সভাৰ উদ্যেশ্য ব্যাখ্যা কৰে পহুমাৰা আঞ্চলিক সম্পাদক মাইন উদ্দিনে। পহুমাৰা আঞ্চলিকৰ সভাপতি ইছমাইল হুছেইন¸ অধিবক্তা আতোৱাৰ ৰহমান¸ শিক্ষক আমিৰ আলি আহমেদ¸ আক্কাছ আলী আহমেদ¸ ফজলুৰ ৰহমান¸ বৰপেটা জিলা আমছুৰ মুখ্য সাংগঠনিক সম্পাদক জাকিৰ হুছেইন তালুকদাৰ আৰু কয়াকুছিৰ সমন্বয় সাহিত্য গোষ্ঠীৰ মুখ্য সম্পাদক ছাহেদ আলী আহমেদৰ সৈতে বহুতো গন্য-মান্য ব্যক্তি সম্বৰ্ধনা অনুষ্ঠানত উপস্থিত থাকি ছাত্ৰ-ছাত্ৰীক উদ্দেশ্যি বক্তব্য প্ৰদান কৰে।
সভাত উচ্চ আৰু উচ্চতৰ মাধ্যমিকত সফলতাৰে উত্তীৰ্ণ ৬০ গৰাকী পৰীক্ষাৰ্থীক গামোচা¸ কিতাপ আৰু মান-পত্ৰৰে সম্বৰ্ধনা জনোৱা হয়।