দিগন্ত বৰ্মণ, বৰনৰ্দ্দীঃ পশ্চিম নলবাৰীৰ কৈহাটীৰ গংগাধৰ বৰ্মন ফাউণ্ডেচেনৰ উদ্যোগত অহা পাঁচ জুনত চতুৰ্দশ বাৰ্ষিক বিশ্ব পৰিৱেশ দিৱসৰ আয়োজন কৰা হৈছে৷ সৰুক্ষেত্ৰী কনিষ্ঠ মহাবিদ্যালয়, বৰকাপলাত দিনজোৰা কাৰ্যসূচীৰে আয়োজন কৰা বিশ্ব পৰিৱেশ দিৱসৰ কাৰ্যসূচী অনুসৰি পুৱা ৯ বজাত পতাকা উত্তোলন কৰিব সৰুক্ষেত্ৰী কনিষ্ঠ মহাবিদ্যালয়ৰ অধ্যক্ষ মনোৰঞ্জন বৰুৱাই৷
৯ঃ১৫ বজাত বন্তি প্ৰজ্বলন আৰু স্মৃতি তৰ্পণ কৰিব শিক্ষাবিদ হৰেন্দ্ৰ নাথ ডেকাই৷ বন্তি প্ৰজ্বলন কৰিব শ্ৰীশ্ৰী মনোহৰ দেৱ হাইস্কুল, বৰকাপলাৰ প্ৰধান শিক্ষক নগেন বৰুৱা আৰু ১৭ নং মধ্য সৰুক্ষেত্ৰী গাঁও পঞ্চায়তৰ সভানেত্ৰী দিপ্তী নাথে৷ পুৱা ৯ঃ৩০ বজাত গছপুলি ৰোপন অনুষ্ঠানৰ শুভাৰম্ভ কৰিব ডেকা পেপাৰ এজেঞ্চীৰ স্বত্বাধিকাৰী সুনীল ডেকাই৷
অনুষ্ঠানত ১,০০০ জোপা গছপুলি যোগান ধৰিব গংগাধৰ বৰ্মনে৷ বৃক্ষৰোপন কৰিব বিশিষ্ট্য ব্যক্তিসকল ত্ৰুমে মনোৰঞ্জন শৰ্মা, মুকুল নাথ, হিতেশ্বৰ লহকৰ, দ্বীজেন্দ্ৰ নাৰায়ন শৰ্মা, শান্ত মজুমদাৰ, ভূগেশ্বৰ নাথ, মনিকান্ত ডেকা, নন্দেশ্বৰ ডেকা, নিপন কুমাৰ ডেকা, দেৱজিৎ নাথ, কমল মেধী আৰু গংগাধৰ বৰ্মনে৷
পুৱা ১০-৩০ বজাত শিক্ষাবিদ হৰেন্দ্ৰ নাথ ডেকাৰ পৌৰহিত্বত হ’বলগা মুকলি সভাত মুখ্য অতিথি হিচাপে উপস্থিত থাকিব বাৰ্তা সম্পাদক ৰঞ্জিৎ হাজৰিকা (দৈনিক অসম) নিৰ্দিষ্ট বক্তা হিচাপি উপস্থিত থাকিব ড° মাধুৰ্য মণ্ডিত বৰুৱা, মুৰব্বী অধ্যাপক অসমীয়া বিভাগ কৃষ্ণগুৰু আধ্যাত্মিক বিশ্ববিদ্যালয়, নসত্ৰ, আমন্ত্ৰিত অতিথি হিচাপে উপস্থিত থাকিব 'দৈনিক অসম’ কাকতৰ উপ-সম্পাদক গিৰিন ডেকা ডেকা।