ষড়ানন বৰা,চামগুৰিঃ নগাঁৱৰ গোমোঠা গাঁৱত সোমবাৰে সন্ধিয়া এক শোকাৱহ পথ দুৰ্ঘটনা সংঘটিত হয়। এখন দ্ৰুতবেগী ডাম্পাৰে এখন টেম্পুৰপৰা নামিব বিচৰা এজন লোকক মহতিয়াই নিয়াৰ ফলতেই সংঘটিত হয় দুৰ্ঘটনাটো।

দূৰ্ঘটনাটোৰ ফলত নগাঁৱৰপৰা চামগুৰি দিশে আহি থকা এ এছ ০২ ই-৮৫৩৬ নম্বৰৰ টেম্পুখনৰ এজন যাত্ৰী থিতাতে নিহত হোৱাৰ লগতে আন এজন যাত্ৰী গুৰুতৰভাৱে আহত হয়।

নিহত লোকজন চলচলি হালোৱাগাৱৰ দিলীপ শইকীয়া বুলি ইতিমধ্য চিনাক্ত কৰিছে আৰক্ষীয়ে। আনহাতে, আহত আন এজনক নগাঁও চিকিৎসালয়লৈ প্ৰেৰণ কৰে।উল্লেখ্য যে, দুৰ্ঘটনা সংঘটিত কৰিয়ে ডাম্পাৰসহ চালকজনে পলায়ন কৰে৷