বঢ়মপুৰঃ নগাওঁ ভেৰভেৰীত কিশোৰীৰ নিৰুদ্দেশক কেন্দ্ৰ কৰি সৃষ্টি হৈছে তীব্ৰ চাঞ্চল্যৰ। পথাৰলৈ গৈ শনিবাৰৰ পৰা সন্ধান নাই মেট্ৰিক দিয়া এগৰাকী কিশোৰীৰ। এজন যুৱকে অপহৰণ কৰাৰ সন্দেহ প্ৰকাশ কৰিছে কিশোৰী গৰাকীৰ পৰিয়ালৰ লোকে।

অভিযুক্ত হালোৱাগাঁও-পুটনীৰ দুল ওৰফে গাওঁবুঢ়াৰ বিৰুদ্ধে পুৰণিগুদাম আৰক্ষী চকীত অপহৰণৰ সন্দৰ্ভত কিশোৰী গৰাকীৰ পৰিয়ালৰ লোকে গোচৰ ৰুজু কৰিছে। অৱশ্যে এই পৰ্য্যন্ত কিশোৰী গৰাকীৰ কোনো শুংসুত্ৰ উলিয়াব পৰা নাই আৰক্ষীয়ে। ইফালে এনে ধৰণেৰে কিশোৰী গৰাকী নিৰুদ্দিষ্ট হোৱাক কেন্দ্ৰ কৰি এতিয়া তীব্ৰ শংকাত দিন কটাইছে ভুক্তভোগী কিশোৰী গৰাকীৰ পৰিয়ালটোৱে।