ডিজিটেল ডেস্কঃ নৱবৰ্ষৰ প্ৰথম দিনটোতে শীৰ্ষস্থানত অধিষ্ঠিত হ’ল ভাৰত। এই দিনটোত সমগ্ৰ বিশ্বতে জন্মলাভ কৰে প্ৰায় ৪ লাখ নৱজাতক। ইয়াৰ ভিতৰত ভাৰতত জন্ম লাভ কৰা নৱজাতকৰ সংখ্যাই হৈছে সকলো দেশতকৈ সৰ্বাধিক। 

ইউনিচেফৰ পৰিসংখ্যা অনুযায়ী পহিলা জানুৱাৰীৰ দিনটোত বিশ্বত ৩,৯২,০৭৮ টি শিশুৱে জন্মলাভ কৰে আৰু ৬৭,৩৮৫টি শিশুৱেই জন্মলাভ কৰিছে ভাৰতত। ভাৰতৰ পিছতে এই ক্ষেত্ৰত দ্বিতীয় স্থানত আছে চীন। চুবুৰীয়া দেশখনত নৱবৰ্ষত জন্মলাভ কৰা শিশুৰ সংখ্যা হৈছে ৪৬,২৯৯টি। 

ডিজিটেল ডেস্কঃ বছৰটোৰ প্ৰথমটো দিনতে জম্মু-কাশ্মীৰবাসীক প্ৰতাৰণা কৰাৰ অভিযোগ উত্থাপিত হৈছে নৰেন্দ্ৰ মোদী চৰকাৰৰ বিৰুদ্ধে। বিবিচিকে আদি কৰি কেবাটাও আগশাৰীৰ সংবাদ প্ৰতিষ্ঠানে প্ৰকাশ কৰা বাতৰি অনুযায়ী ১ জানুৱাৰীৰ পৰা সুদীৰ্ঘ ৫ মাহৰ অন্তত সম্পূৰ্ণ ৰাজ্যৰ পৰা কেন্দ্ৰীয় শাসিত অঞ্চললৈ পৰিৱৰ্তন ঘটা কাশ্মীৰত এছএমএছ সেৱা আৰম্ভ কৰাৰ কথা ঘোষণা কৰিছিল। চৰকাৰৰ এই ঘোষণাই স্বাভাৱিকতে উৎফুল্লিত কৰি তুলিছিল কাশ্মীৰৰ প্ৰতিজন জনতাক।

গুৱাহাটীঃ আজি ১ জানুৱাৰী। এই দিনটোত সাধাৰণতে উলাহৰ অন্ত নাথাকে গুৱাহাটীৰ গ্ৰন্থপ্ৰেমীসকলৰ মাজত। প্ৰচণ্ড শীতকো নেওচি এই দিনটোত ন ন গ্ৰন্থৰ উমেৰে উমাল হৈ পৰে চানমাৰিৰ অভিান্ত্ৰিক প্ৰতিষ্ঠানৰ খেলপথাৰ। এইবাৰ পিছে চানমাৰিৰ উক্ত বিশেষ স্থান আজিৰ বিশেষ দিনটোত সম্পূৰ্ণৰূপে নিমাওমাও।

গুৱাহাটীঃ নাগৰিকত্ব সংশোধনী আইন-২০১৯ৰ বিৰুদ্ধে ৰাজ্যজুৰি অব্যাহত থকা ধাৰাবাহিক আন্দোলনৰ বাবে পুনৰবাৰ কংগ্ৰেছ আৰু বাওপন্থী দলসমূহক জগৰীয়া কৰিছে মুখ্যমন্ত্ৰী সৰ্বানন্দ সোণোৱালে। নৱবৰ্ষৰ প্ৰথমটো দিনতে এক সংবাদমেলৰ আয়োজন কৰি মুখ্যমন্ত্ৰীগৰাকীয়ে কয় যে অসমৰ গ্ৰামাঞ্চলৰ শান্তিপ্ৰিয় খেতিয়ক আৰু শ্ৰমিক ৰাইজক কংগ্ৰেছ আৰু বাওপন্থীদলসমূহে ব্যাপক অপপ্ৰচাৰেৰে বিপথে পৰিচালিত কৰিছে। এই সন্দৰ্ভত চৰকাৰৰ হাতত তথ্যভিত্তিক প্ৰমাণ আছে বুলিও দাবী কৰে মুখ্যমন্ত্ৰী সোণোৱালে।

 

ডিজিটেল ডেস্কঃ ৰেল ভাৰাৰ লগতে নৱবৰ্ষৰ প্ৰথম দিনটোতে বৃদ্ধি কৰা হৈছে ৰন্ধন গেছৰো মূল্য। এই অনুযায়ী ৰাজ সাহায্যবিহীন প্ৰতিটো ৰন্ধন গেছৰ চিলিণ্ডাৰত ১৯ টকাকৈ বৃদ্ধি পাইছে। আজি ১ জানুৱাৰীৰ পৰা কাৰ্যকৰী হোৱাকৈ বৃদ্ধি কৰা হৈছে ৰন্ধন গেছৰ মূল্য। 

 

ডিজিটেল ডেস্কঃ ন’বেল বঁটাপ্ৰাপ্ত অৰ্থনীতিবিদদ্বয় অভিজিত বেনাৰ্জী আৰু তেওঁৰ পত্নী এষ্টাৰ ডুফ্লই বিৰোধিতা কৰিছে নাগৰিকত্ব সংশোধনী আইন(কা) আৰু ৰাষ্ট্ৰীয় নাগৰিক পঞ্জী(এন আৰ চি) উন্নীতকৰণৰ৷ দেশজুৰি “কা" আৰু এন আৰ চিৰ বিৰুদ্ধে প্ৰতিবাদ অব্যাহত থকাৰ সময়তে প্ৰসিদ্ধ অৰ্থনীতিবিদ দুগৰাকীয়ে এই দুয়োটা পদক্ষেপৰ বিৰোধিতা কৰিছে৷

ন’বেল বঁটা বিজয়ী পত্নী এষ্টাৰ ডুফ্ল’ৰ সৈতে যুটীয়াভাৱে ’দ্য ইণ্ডিয়ান এক্সপ্ৰেছ’ কাকতত বেনাৰ্জীয়ে এন আৰ চি আৰু ’কা’ৰ বিৰোধিতা কৰি এটা প্ৰৱন্ধ লিখিছে৷ প্ৰৱন্ধটোত এন আৰ চিক দৰিদ্ৰ বিৰোধী বুলি ইংগিত দিয়া হৈছে।

 

ডিজিটেল ডেস্কঃ টুইটযোগে দেশবাসীক ইংৰাজী নতুন বছৰৰ শুভেচ্ছা জনাইছে প্ৰধানমন্ত্ৰী নৰেন্দ্ৰ মোদীয়ে। দ্বিতীয়বাৰ ক্ষমতালৈ অহাৰ পিছত এয়া হৈছে মোদী চৰকাৰৰ প্ৰথমটো ১ জানুৱাৰী। প্ৰথমটো কাৰ্যকালৰ অন্তত যোৱা বছৰ দ্বিতীয়টো কাৰ্যকালৰ বাবেও দেশবাসীয়ে বিপুল ভোটত জয়ী কৰাইছিল নৰেন্দ্ৰ মোদী নেতৃত্বাধীন বিজেপি তথা এনডিএক। 

 

ডিজিটেল ডেস্কঃ নতুন বছৰটোৰ প্ৰথম দিনটোতে দেশৰ ৰেলযাত্ৰীসকললৈ আহিছে দুখবৰ। এই অনুযায়ী আজিৰে পৰা অৰ্থাৎ ১ জানুৱাৰী ২০২০ৰ পৰা পূৰ্বতকৈ ব্যায়বহুল হৈ পৰিব ৰেলযাত্ৰা। এক্সপ্ৰেছ ৰেলসমূহৰ লগতে সাধাৰণ শ্ৰেণীৰ যাত্ৰীসকলৰো বৃদ্ধি কৰা হৈছে ভাৰা।

মঙলবাৰে ৰেল বিভাগে জাৰি কৰা ভাৰাৰ নতুন নিৰিখ অনুযায়ী সাধাৰণ শ্ৰেণীৰ ভাৰা প্ৰতিকিলোমিটাৰ পূৰ্বতকৈ ১ পইছাকৈ বৃদ্ধি পাব। আনহাতে এক্সপ্ৰেছ ৰেলসমূহত নন এচিৰ ভাৰা প্ৰতি কিলোমিটাৰত ২ পইছাকৈ আৰু এচিযুক্ত দবাৰ ভাৰা ৪ পইছাকৈ বৃদ্ধি কৰা হৈছে। অৱশ্যে মফচলীয় চহৰসমূহৰ মাজত চলাচল কৰা ৰেলসমূহৰ ভাৰা অপৰিৱৰ্তিত হৈয়ে থাকিব।

শুভ নৱবৰ্ষ ২০২০। News Next Oneৰ তৰফৰ পৰা সমূহ ভিউৱাৰ্ছ তথা অসমবাসী ৰাইজলৈ নতুন বছৰৰ শুভেচ্ছা জনালো। অসমীয়া ভাষাৰ প্ৰথমটো নিউজ পৰ্টেল হিচাপে আত্মপ্ৰকাশ কৰাৰ পিছৰে পৰা ভিন্ন উত্থান-পতনৰ মাজেৰে আহি আমি উপস্থিত হৈছো এই শুভক্ষণত। নতুন বছৰ এটাত ভৰি থোৱাৰ সময়তে আমাৰ ৰাজ্যৰ চৌদিশ এতিয়াও উত্তাল হৈ আছে। ভোগালীলৈও মাজত মাথো কেইটামান দিন। নতুন বছৰ, ভোগালী এই সকলোবোৰৰ মাজতে অসমীয়া ৰাইজ আজি নিজৰ সংকটকালত মাৰবান্ধি থিয় হৈছে। নতুন ৰূপত ওলাই আহিছে সজাগ জনতা। আন্দোলনো চলিছে, লগতে চলিছে কাম। অলপকৈ হ'লেও যেন কৰ্ম-সংস্কৃতি বুজি উঠিছে অসমীয়া ৰাইজে।

Categories: 

Pages