নতুন দিল্লীঃ মহামাৰী ৰূপ ধাৰণ কৰি বিশ্বৰ এখনৰ পৰা আন এখন দেশলৈ ক্ৰমাৎ আৰু অধিক অতি দ্ৰুত গতিত বিয়পি পৰিছে কৰ’না ভাইৰাছ৷ কৰ’নাৰ এনে ভয়াবহ সংক্ৰমণ ৰোধ কৰিবলৈ প্ৰতিখন দেশেই হাতত লৈছে একাধিক পদক্ষেপ। বেছিভাগ দেশেই এই সংক্ৰমণক বাধা দিবলৈ অতি ফলপ্ৰসূ হিচাপে ধৰি লৈ ‘লকডাউন’ ব্যৱস্থাকেই গ্ৰহণ কৰা দেখা গৈছে। ভাৰততো যোৱা ২৫ মাৰ্চৰ পৰা ২১ দিনৰ বাবে লকডাউন ঘোষণা কৰিছে কেন্দ্ৰ চৰকাৰে।

Categories: 

নতুন দিল্লীঃ কৰ'না প্ৰতিৰোধৰ বাবে দেশজুৰি অব্যাহত থকা ২১ দিনীয়া লকডাউনৰ সময়ছোৱাত কোনো লোকে যাতে ভোকত থাকিবলগীয়া নহয় তাৰ বাবে ব্যৱস্থা গ্ৰহণ কৰিছে কেন্দ্ৰ চৰকাৰে। বিত্তমন্ত্ৰী নিৰ্মলা সীতাৰমণ আৰু বিত্ত বিভাগৰ ৰাজ্যিক মন্ত্ৰী অনুৰাগ ঠাকুৰে আজি এক সংবাদমেলযোগে সদৰী কৰিছে এই কথা।

Categories: 

নতুন দিল্লীঃ দিল্লীৰ মহল্লা ক্লিনিকৰ এগৰাকী চিকিৎসকৰ দেহত কৰ’না পজিটিভ ধৰা পৰাৰ পিছতে আশংকাৰ ডাৱৰে ছানি ধৰিছে সমগ্ৰ ৰাজধানী চহৰখনক। প্ৰাৰম্ভিক পদক্ষেপ হিচাপে দিল্লী চৰকাৰৰ স্বাস্থ্য বিভাগে চিকিৎসকগৰাকীৰ সংস্পৰ্শলৈ অহা ৯০০ লোকক নিজ নিজ ঘৰ তথা চিকিৎসালয়ত কোৱাৰেণ্টাইনত ৰখাৰ ব্যৱস্থা কৰিছে।

দিল্লী চৰকাৰৰ স্বাস্থ্য মন্ত্ৰী সত্যেন্দ্ৰ জৈনে জনোৱা মতে মহল্লা ক্লিনিকৰ এই চিকিৎসকগৰাকী ছৌদি আৰৱ পৰা অহা কৰ’না পজিটিভ ধৰা পৰা এগৰাকী মহিলাৰ সংস্পৰ্শলৈ আহিছিল। ইয়াৰ পিছতে চিকিৎসকগৰাকীও এই ৰোগত আক্ৰান্ত হৈ পৰে। চিকিৎসকগৰাকীৰ লগতে তেওঁৰ পত্নী আৰু কন্যাও চিকাৰ হৈছে কৰ’নাৰ।

Categories: 

অসমত বৰ্তমানলৈ কোনো লোক কৰ’নাত আক্ৰান্ত হোৱা নাই যদিও দেশত প্ৰতিনিয়ত বৃদ্ধি পাবলৈ ধৰিছে আক্ৰান্তৰ লগতে মৃতকৰ সংখ্যা। সমগ্ৰ দেশত ২১ দিনীয়া লকডাউল ঘোষণা কৰাৰ পাছতে চৰকাৰে গ্ৰহণ কৰিছে অন্য এক উল্লেখযোগ্য পদক্ষেপ। এই পদক্ষেপ অনুযায়ী এতিয়াৰে পৰা ২২ টা প্ৰাইভেট লেবৰেটৰীয়েও কৰ’না টেষ্ট কৰিব পাৰিব। 

নিউয়ৰ্কঃ ভাৰতীয় মূলৰ প্ৰসিদ্ধ ছেইফ ফ্লইড কাৰ্ডোজ আৰু নাই। বুধবাৰে নিশাৰ ভাগত কৰ’নাত আক্ৰান্ত হৈ শেষ নিশ্বাস ত্যাগ কৰে কাৰ্ডোজে। যোৱা ৮ মাৰ্চত জাৰ্মানীৰ ফ্ৰাংকফুৰ্ট হৈ নিউয়ৰ্কলৈ উভতিছিল ছেইফগৰাকী।

ইয়াৰ পিছতে অসুস্থ হৈ পৰাত ১৮ মাৰ্চত কাৰ্ডোজৰ কৰ’নাৰ টেষ্ট কৰা হৈছিল আৰু উক্ত টেষ্টত তেওঁৰ দেহত পজিটিভ ধৰা পৰে। আমেৰিকাৰ নিউজাৰ্ছীত তেওঁৰ চিকিৎসা চলি আছিল।

Categories: 

নতুন দিল্লীঃ দেশত কৰ’নাত আক্ৰান্ত হৈ মৃত্যু হোৱা লোকৰ সংখ্যা বৃদ্ধি পালে ১৩ জনলৈ। ভাইৰাছবিধত দেশত এতিয়ালৈ আক্ৰান্ত হৈছে ৬৫০ জনৰো অধিক লোক। কেন্দ্ৰীয় স্বাস্থ্য মন্ত্ৰণালয়ে জনোৱা মতে আক্ৰান্তসকলৰ ৪২ জন লোক সুস্থ হৈ পুনৰ ঘৰলৈ উভতিছে।

বৃহস্পতিবাৰে পুৱাৰ ভাগতে কৰ’নাত প্ৰাণ হেৰুৱাই ২ জনকৈ লোকে। ইয়াৰে এজন মহাৰাষ্ট্ৰৰ আৰু আনজন হৈছে জম্মু-কাশ্মীৰৰ। চৰকাৰী সূত্ৰই সদৰী কৰা অনুযায়ী শ্ৰীনগৰৰ এখন চৰকাৰী চিকিৎসালয়ত ৬৫ বৰ্ষীয় কাশ্মীৰি লোক এজনৰ আজি পুৱাই মৃত্যু হয়। এয়া হৈছে কৰ’নাত আক্ৰান্ত হৈ মৃত্যু মুখত পৰা কাশ্মীৰৰ প্ৰথমটো ঘটনা।

Categories: 

ভূপালঃ মধ্যপ্ৰদেশত এগৰাকী ৫৪ বৰ্ষীয় সাংবাদিকৰ দেহত কৰ’না পজিটিভ ধৰাৰ পিছতে ৰাজ্যখনৰ দুদিন আগৰ মুখ্যমন্ত্ৰী আৰু বৰ্তমানৰ মুখ্যমন্ত্ৰীৰ দুয়োগৰাকীয়েই উদ্বিগ্ন হৈ পৰিছে। ইয়াৰ লগতে শংকিত হৈ পৰিছে ৰাজধানী ভূপালৰ সমগ্ৰ সংবাদ মহল আৰু শীৰ্ষ আমোলা-বিষয়াসকল। 

Categories: 

লণ্ডনঃ এইবাৰ কৰ’না ভাইৰাছ প্ৰৱেশ কৰিলে ব্ৰিটিছ ৰাজপৰিয়ালতো। বিবিচিত প্ৰকাশিত বাতৰি অনুযায়ী বুধবাৰে ব্ৰিটিছ ৰাজপৰিয়ালৰ ৭১ বছৰীয়া প্ৰিন্স চাৰ্লছৰ দেহত ধৰা পৰিছে কৰ’না পজিটিভ। 

ৰাজপৰিয়ালৰ সূত্ৰই সদৰী কৰা মতে, প্ৰিন্স চাৰ্লছৰ দেহত সামান্য পৰিমাণে কৰ’নাৰ উপসৰ্গ দেখা দিছে। অৱশ্যে এতিয়াও চাৰ্লছ একপ্ৰকাৰ সুস্থ বুলি জনাইছে ৰাজপৰিয়ালৰ এগৰাকী প্ৰবক্তাই। 

Categories: 

কোকৰাঝাৰঃ কৰ'না ভাইৰাছৰ সংক্ৰমণ প্ৰতিৰোধ কৰাৰ উদ্দেশ্যৰে প্ৰধানমন্ত্ৰী নৰেন্দ্ৰ মোদীয়ে আহ্বান জনোৱা ২১ দিনীয়া লকডাউনক আদৰণি জনাইছে হাগ্ৰামা মহিলাৰীয়ে। প্ৰধানমন্ত্ৰীৰ আহ্বানক সম্পূৰ্ণৰূপে পালন কৰি কৰ'না ভাইৰাছৰ পৰা মুক্ত হ'বলৈ জনসাধাৰণৰ প্ৰতি আহ্বান জনাই বিটিচি অঞ্চলৰ শ্ৰমজীৱি ৰাইজৰ অসুবিধাৰ প্ৰতি লক্ষ্য ৰাখি ৫লাখ ৫০ হাজাৰ পৰিয়ালক বিনামূলীয়া ৰেচন দিয়া হব বুলি আজি সংবাদমেলযোগে ঘোষণা কৰিছে হাগ্ৰামা মহিলাৰীয়ে।

Categories: 

কাবুলঃ কৰ’না ভাইৰাছক লৈ সমগ্ৰ বিশ্বতে সৃৃষ্টি হৈছে এক প্ৰকাৰৰ অভাৱনীয় পৰিস্থিতি। ইমানৰ পিছতো আক্ৰমণ অব্যাহত ৰাখিছে সন্ত্ৰাসবাদীসকলে। প্ৰাপ্ত খবৰ অনুযায়ী বুধবাৰে পুৱাই আফগানিস্তানৰ ৰাজধানী কাবুলত থকা শিখসকলৰ উপাসনাগৃহ গুৰুদ্বাৰত আক্ৰমণ সংঘটিত কৰে আত্মঘাতী বোমাৰুৱে। এই ঘটনাত নিহত হৈছে ১১জনকৈ লোক।

Categories: 

Pages